Nivelet e antitrupave kundër Covid-19 në mbarë botën janë ndoshta më të larta se sa ishte vlerësuar më parë, pasi deri në dy të tretat e popullsisë së botës tani mund të kenë antitrupa të tillë kundër koronavirusit, ose pasi janë vaksinuar ose pasi janë infektuar nga virusi.
Studiuesit e Organizatës Botërore të Shëndetësisë (OBSH) dhe platformës së serombikëqyrjes SeroTracker, të cilët bënë publikimin përkatës në revistën mjekësore “PLoS Medicine”, vlerësojnë se prania e antitrupave kundër koronavirusit u rrit nga 7.7% në qershor 2020 në 59.2 % në shtator 2021 dhe sot është rritur më tej, ndoshta në dy të tretat e njerëzimit.
Llogaritja nuk është e lehtë, pasi një përqindje e madhe e infeksioneve Covid-19 janë asimptomatike. Prandaj, është e vështirë të vlerësohet me saktësi përqindja e vërtetë e infeksioneve në popullatën globale. Sidoqoftë, vlerësimi i përgjithshëm i studiuesve është se më shumë njerëz në mbarë botën kanë antitrupa në trupin e tyre për shkak të vaksinave ose sëmundjeve sesa mendohej më parë.
